Það er mikið um að vera á Jómfrúnni, hvort sem það er sumar eða vetur. Fylgstu með til þess að missa ekki af viðburðum og ‘hyggelig’ stemningu á Jómfrúnni.
Jazzprógrammið er á sínum stað á hverju sumri. Það er Sigurður Flosason sem fer með skipulagsvald í gerð dagskrár, Jómfrúin sér um bjórinn, matinn og sólina á Jómfrúartorginu. Fyrstu tónleikar verða samkvæmt venju fyrsta laugardag í júní og svo alla laugardaga út ágúst, milli 15 og 17. Leikið er utandyra á Jómfrúartorginu. Aðgangur er ókeypis.
Það jafnast ekkert á við jazz!
Hin frábæra Silva syngur standarda og íslensk dægurlög.
Silva Þórðardóttir: söngur, Haukur Gröndal: saxófónn og klarinett, Tómas Jónsson: píanó, Þorgrímur Jónsson: kontrabassi, Magnús Trygvason Eliassen: trommur
Ein af okkar bestu ungu söngkonum, Sigrún Erla Grétarsdóttir, fagnar 25 ára afmæli plötu Tómasar R. Einarssonar, „Koss“, frá árinu 2000 með höfundinum og fleiri góðum.
Sigrún Erla Grétarsdóttir: söngur, Vignir Þór Stefánsson: píanó, Tómas R. Einarsson: kontrabassi, Matthías Hemstock: trommur
Enginn jazz í Reykjavík en Jómfrúarjazzinn heimsækir tónlistarhátíðina „Við Djúpið“ á Ísafirði. Djúpmenn flytja ísfirska, íslenska og alþjóðlega tónlist.
Halldór Smárason: hljómborð, Valdimar Olgeirsson: bassi og Kristinn Gauti Einarsson: trommur, ásamt gestum. Leikið er á Hótel Ísafirði og hefjast tónleikar klukkan 13:00. Miðar á viddjupid.is
Hinar dásamlegu Selma og Hansa bjóða upp á prógram söngleikjalaga í jazzbúningi.
Selma Björnsdóttir: söngur, Jóhanna Vigdís Arnardóttir: söngur, Agnar Már Magnússon: píanó, Nico Moreaux: kontrabassi, Einar Scheving: trommur
Helga María er frábær íslensk söngkona búsett í Stokkhólmi.
Helga María Ragnarsdóttir: söngur, Hróðmar Sigurðsson: gítar, Birgir Steinn Theódórsson: kontrabassi, Magnús Trygvason Eliassen: trommur
Þessi góða samsetning hefur aldrei klikkað.
Unnur Birna Björnsdóttir: söngur og fiðla, Björn Thoroddsen: gítar, Sigurgeir Skafti Flosason: bassi, Óskar Þormarsson: trommur
Við kynnum Sigurdísi, frábæran píanóleikara og söngkonu sem hefur verið við nám í Danmörku undanfarin ár.
Sigurdís Sandra Tryggvadóttir: píanó og söngur, Sigurður Flosason: saxófónn, Þorgrímur Jónsson: kontrabassi, Péter Horváth: trommur
Hinn þrautreyndi Múlakvintett býður upp á fjölbreytta og skemmtilega dagskrá.
Haukur Gröndal: altó saxófónn, Ólafur Jónsson: tenor saxófónn, Ásgeir Ásgeirsson: gítar, Þorgrímur Jónsson: kontrabassi, Erik Qvick: trommur
Þór færir íslenska og erlenda rokkslagara í skemmtilegan sveiflubúning.
Þór Breiðfjörð: söngur, Sigurður Flosason: saxófónn, Agnar Már Magnússon: píanó, Þorgrímur Jónsson: kontrabassi, Einar Scheving: trommur
Friðrik Ómar leiðir þaulreynda hljómsveit í dagskrá sem tengist hinsegin höfundum ólíkra tónlistarstíla.
Hljómsveit og gestir kynntir síðar.
Norski trompetleikarinn Björn Atle verður gestur tríósins í fjölbreyttri dagskrá sem m.a. mun innihalda frumsamin lög og tónlist eftir Gunnar Þórðarson.
Björn Atle Anfinsen: trompet, Karl Olgeirsson: píanó, Jón Rafnsson: kontrabassi, Kristinn Snær Agnarsson: trommur
Hin mögnuðu Rebekka Blöndal og Karl Olgeirsson fara í föt hinna elskuðu systkina Ellýjar og Vilhjálms Vilhjálmsbarna og bæta jazzinum í blönduna.
Rebekka Blöndal: söngur, Jóel Pálsson: saxófónn, Karl Olgeirsson: píanó, Nico Moreaux: kontrabassi
Söngkona ársins á síðustu tónlistarverðlaunum og hið frábæra tríó Sunnu Gunnlaugs flytja skemmtilega dagskrá, meðal annars með lögum eftir konur og lögum Sunnu við ljóð Jóns úr Vör. Atriðið er í samstarfi við Jazzhátíð Reykjavíkur.
Marína Ósk Þórólfsdóttir: söngur, Sunna Gunnlaugsdóttir: píanó, Þorgrímur Jónsson: kontrabassi, Scott McLemore: trommur
Fyrir jólin 2021 kom út bókin “Jómfrúin”. Í bókinni um Jómfrúna má finna uppskriftir að fjölmörgum réttum sem prýtt hafa matseðilinn í gegnum tíðina, sögu veitingastaðarins og vitnisburð fastakúnna sem allir kalla Jómfrúna sína enda eru veitingastaðir hvorki stærri né meiri en fólkið sem er þar innandyra.
Aðventuheimsókn á Jómfrúna er löngu orðin hefð hjá mörgum. Jómfrúin leggur mikið upp úr jólamatseðlinum og býr til gómsæta jólaplatta sem passa fullkomlega með góðum snafs!
Jólaseðillinn hjá Jómfrúnni er aldrei eins, enda leggur hún upp úr því að koma sífellt á óvart. Hægt er að sjá jólamatseðilinn frá því í fyrra hér:
